काठमाडौं । हवाई इन्धनको मूल्य घटेसंगै आन्तरिक उडानतर्फको हवाइ भाडा घटेको छ ।
नेपाल आयल निगमले शुक्रबार आन्तरिक वायुसेवाले प्रयोग हुने हवाइ इन्धनको मूल्य घटाएपछि वायुसेवा सञ्चालक संघले आन्तरिक हवाइ भाडा घटाएको हो ।
संघले जारि गरेको बिज्ञप्ती अनुसार आइतबारबाट लागु हुनेगरि आन्तरिक वायुसेवा कम्पनीहरुले न्युनतम ९० देखि ४४० रुपैयाँसम्म भाडा घटाएका छन् ।
जसमा सबैभन्दा बढि काठमाडौंदेखि धनगढी उडानमा भाडा घटेको छ भने सबैकम काठमाडौंदेखि सिमरासम्मको रहेको छ । काठमाडौंदेखि धनगढीसम्मको भाडामा ४ सय ४० रुपैयाँ घटेको छ ।त्यसैगरि काठमाडौंदेखि सिमरासम्मको सबैभन्दा कम ९० रुपैंया घटेको छ ।
नयां हवाई भाडा दर कति ?
संघले जनाएअनुसार आइतबारबाट लागुहुने नयाँ भाडादर:
काठमाडौं–धनगढी १२ हजार ६ सय ७५ रुपैयाँ
काठमाडौं–सिमरा ३ हजार १ सय २० हुनेछ ।
त्यसैगरि, माउन्टेन फ्लाइटको नयाँ भाडदर ११ हजार ३ सय,
काठमाडौं–भरतपुर रुटमा ३ हजार ६ सय ५०,
काठमाडौं–तुम्लिङटार रुटमा ६ हजार रुपैयाँ तोकिएको छ ।
यस्तै, काठमाडौं- पोखरा ५ हजार ५०,
विराटनगर ७ हजार ५ सय ५०,
जनकपुर ४ हजार ३ सय,
भैरहवा ६ हजार २ सय,
नेपालगञ्ज १० हजार र भद्रपुर ९ हजार १ सय रुपैंया कायम भएको छ ।
