काठमाडौं । नेपाली कांग्रेसको केन्द्रीय कार्यसम्पादन समितिको बैठक बस्दैछ । आज दिउँसो पार्टी कार्यालय सानेपामा बैठक बस्ने पार्टी मुख्य सचिव कृष्णप्रसाद पौडेलले जानकारी दिए ।
बैठकमा केन्द्रीय कार्यसम्पादन समितिका पदाधिकारी एवं सदस्यलाई अनिवार्य उपस्थित भनिएको छ । बैठकमा पार्टीको संसदीय निर्वाचनका लागि समिति गठन गर्ने र निर्वाचनको मिति तय गर्नेबारे छलफल हुने बताइएको छ ।
कँग्रेसले बुधबारसम्ममा संसदीय दलको नेता चुन्ने तयारी गरेको छ । संसदीय नेता नै प्रधानमन्त्रीको उम्मेदवार हुने भएकाले यसलाई महत्वका साथ हेरिएको छ । प्रधानमन्त्रीका आकाँक्षी महामन्त्री गगन थापा पनि भएकाले उनले पनि संसदीय दलको नेतामा उम्मेदवारी दिने तयारी छ । पार्टी सभापति एवम् प्रधानमन्त्री शेरबहादुर देउवाले पनि संसदीय दलको नेता मा उम्मेदवारी दिने तयारी गरेका छन् ।
