काठमाडौं । युक्रेनमा भएको हेलिकप्टर दुर्घटनामा गृहमन्त्रीसहित १८ को मृत्यु भएको छ । बिबिसिकाअनुसार युक्रेनको गृहमन्त्री डेनिस मोनास्टिरस्की सहित १८ जनाको मृत्यु भएको हो। राजधानी किभको पूर्वीउपनगरमा एउटा बालबालिका पढ्ने विद्यालय नजिकै हेलिकप्टर खसेको थियो ।
कीभको क्षेत्रीय सैन्य प्रशासनका प्रमुख ओलेक्सी कुलेबाले बताएअनुसार दुर्घटनामा १८ को मृत्यु हुनकाा साथै २९ जना घाइते भएका छन्।
बिधालय नजिक भएको दुर्घटनापछि त्यस क्षेत्रमा आगलागी हुँदा बालबालिका र कर्मचारीहरुलाई सुरक्षित ठाउँमा लगिएको छ ।
बीबीसीले उल्लेख गरेअनुसार हेलीकोप्टर दुर्घटनामा मृत्यु भएका मध्ये २ जना बालबालिका पनि छन् भने घाइतेमध्ये १० जना बालबालिका छन् ।
