पाल्पा । पाल्पामा भएको जीप दुर्घटनामा परी मृत्यु भएका ६ जनाको परिचय खुलेको छ । जिल्लाको पर्यटकीय क्षेत्र रानीमहल पुगेर तानसेनतर्फ फर्किदै गरेको बाग्मती प्रदेश ०१–०२६ च ७२०९ नम्बर जीप सडकदेखि तल बराङ्गदी खोलामा खस्दा मृत्यु भएका ६ जनाको परिचय खुलेको हो ।
प्रहरीकाअनुसार दुर्घटनामा परी मृत्यु हुनेमा लम्जुङको बेसीशहर नगरपालिका–२ बस्ने ५५ वर्षीया चुना धिताल, नवलपरासीको देवचुली नगरपालिका–१६ रजघराका ६५ वर्षीय कृष्णबहादुर लोहनी, ३५ वर्षीया सविना धिताल, ५५ वर्षीया पार्वती लोहनी, ११ वर्षका सविस लोहनी र साढे दुई वर्षका इशव लोहनी रहेका छन् ।
घटनामा परी जीप चालक देवचुलीकै ३५ वर्षीय ईश्वर लोहनी गम्भीर घाइते रहेको जिल्ला प्रहरी कार्यालय पाल्पाले जनाएको छ । उनको तानसेनस्थित युनाइटेड मिसन अस्पतालमा उपचार भइरहेको छ ।
