काठमाडौँ । नेकपा (एकीकृत समाजवादी) का अध्यक्ष माधवकुमार जम्भो टोली लिएर चीन भ्रमणमा गएका छन् । आज १५ सदस्यीय नेपाली प्रतिनिधिमण्डलको नेतृत्व गर्दै पूर्व प्रधानमन्त्री समेत रहेका नेपाल आज चीन प्रस्थान गरेका हुन् ।
चिनियाँ कम्युनिस्ट पार्टी विदेश विभागको निमन्त्रणामा उनिसहितको टोली चीन भ्रमणमा गएको हो । नेपाली प्रतिनिधिमण्डलले बेल्ट एण्ड रोड इनिसियटिभ (बिआरआई) परियोजनाबाट प्राप्त उपलब्धि साझेदारीसम्बन्धी कार्यक्रममा सहभागिता जनाउने छ ।
चीनमा रहँदा अध्यक्ष नेपालले चिनियाँ कम्युनिस्ट पार्टीका नेताहरुसंग दुई पार्टीबीचको सम्बन्ध लगायतका बिषयमा छलफल हुने अध्यक्ष नेपालले बताएका छन्। नेता नेपालसहितको नेपाली प्रतिनिधिमण्डल यही कात्तिक २८ गते स्वदेश फर्कने कार्यक्रम छ ।
