झापा । झापाको दमकमा एक विद्यार्थीमाथि गोली प्रहार भएको छ । आज दिउँसो साढे १२ बजेतिर उदयपुरको लिङचुङबुङ गाउँपालिका ३ की १८ बर्षीया एनिका अधिकारीमाथि गोली प्रहार भएको हो । अधिकारी दमको हिमालय माध्यमिक विद्यालयमा कक्षा १२ मा अध्ययनरत छिन् । उनी कक्षा १२ को परीक्षा दिएर डेरा फर्किंदै गर्दा सिरहा घर भएका ३० वर्षीय अमितकुमार साहले गोली प्रहार गरेको इलाका प्रहरी कार्यालय दमकले जनाएको छ । अधिकारी दमकमा डेरा गरेर पढ्दै आएकी थिइन् ।
गोली लागेर उनको दाहिने हातमा चोट र पेटमा गोलीको छर्रा लागेको प्रहरीको भनाइ छ । उनको दमकस्थित लाइफ लाइन अस्पतालमा उनको उपचार भइरहेको छ। गोली हानेर फरार भएका अभियुक्त साहको खोजी कार्य तिर्व पारिएको छ ।
नाका सिल गरेर फरार अधिकारीको खोजी जारी रहेको झापाका डीएसपी कृष्ण चन्दले बताए ।
