काठमाडौं । नेपाल आइडल सिजन ५ का विजेता करण परियारलाई प्रधानमन्त्री प्रचण्डले बधाईसहित उपहार दिएका छन् ।
आज बिहान प्रधानमन्त्री निवास बालुवाटारमा करणलाई बोलाएर प्रधानमन्त्री प्रचण्डले बधाईसहित गितार उपहार दिएका हुन् ।
उक्त भेटमा प्रधानमन्त्री प्रचण्डले करणको भविष्य उज्जव रहेको भन्दै शुभकामना पनि दिए । आफुले खेल र संगीतका खास खास इभेन्ट हेर्ने गरेको पनि प्रधानमन्त्री प्रचण्डले बताए ।
युवापुस्तासँग आफू सँगसँगै रहेको बताउँदै प्रचण्डले करणको सांगीतिक क्षेत्रमा निकै राम्रो सम्भावना भएकाले निरन्तर साधनामार्फत् देशकै प्रतिष्ठा बढाउन अघि बढ्न हौसला समेत दिए ।
बर्दियाका करणले शनिबार राति सम्पन्न नेपाल आइडलको ग्रान्ड फिनालेमा अन्य फाइनलिस्टहरुलाई उछिन्दै नेपाल आइडल सिजन ५ को उपाधी जितेका थिए। उपाधि जितेसँगै उनले ट्रफीसहित २५ लाख रुपैयाँ नगद र अन्य पुरस्कार प्राप्त गरेका छन् ।
यो पनि पढौं
करण परियारको जादुमय गायिकीले जिते नेपाल आइडल सिजन ५ को उपाधि
