काठमाडौँ । त्रिभुवन अन्र्तराष्ट्रिय विमानस्थलनजिकै विमान दुर्घटना भएको छ । दुर्घटनास्थलमा २ जनाको शव फेला परेका छ । जहाजमा सवारहरु केहीलाई उद्धार गरेर अस्पताल पठाइएको विमानस्थल प्रहरीले जनाएको छ ।
विमानस्थलबाट उड्नेबित्तिकै असन्तुलित भएर जहाज तल भूइँमा खसेको बताइएको छ । दुर्घटनापछि विमानमा आगलागी भएको थियो ।
अहिले करिब ११ बजेतीर सौर्य एयरलाइन्सको जहाज पोखरा जान रनवेबाट उड्ने क्रममा दुर्घटनामा परेको हो । विमानस्थलका प्रवक्ता प्रेमनाथ ठाकुरले अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको पुष्टी गरे । विमानमा चालक दलका सदस्यसहित १९ जना रहेको ठाकुरले बताए ।
सुरक्षाकर्मी र विमानस्थलका अग्निनियन्त्रकहरू आगो निभाउन लागि परेको ठाकुरले बताए। दुर्घटनाबारे थप विवरण आउन बाँकी छ ।
