काठमाडौँ । नुवाकोटको शिवपुरीमा हेलिकप्टर दुर्घटना भएको छ । दुर्घटनामा ५ जनाको मृत्यु भएको बताइएको छ ।
एक महिला र चार पुरुषको शव दुर्घटना स्थलबाट निकालिएको छ । उनिहरुको पहिचान गर्ने काम भइरहेको बताइएको छ ।
बागमती प्रदेशका डीआईजी विष्णु केसीकाअनुसार घटनास्थलमा प्रहरी पुगिसकेको बताएका छन्।
शिवपुरी ७ सूर्यचौर डाँडामा हेलिकप्टर ठोक्किएर दुर्घटना भएको नुवाकोटका एसपी शान्तिराज कोइरालाले जानकारी दिएका छन् ।
दुर्घटनास्थलमा आगलागी भइरहेकाले अहिले सुरक्षाकर्मीको टोली पुगेर उद्धारको काम भइरहेको उनले जानकारी दिए ।
त्रिभुवन अन्तर्राष्ट्रिय विमानस्थलका अनुसार रसुवाको स्याफ्रुबेसी उडेको एयर डाइनेस्टीको हेलिकप्टर क्याप्टेन अरुण मल्लले उडाइरहेका थिए ।
घटनाबारे थप विवरण आउन बाँकी छ ।
