म अहिले ५७ वर्षको भए । मलाई केहीवर्ष देखि प्रोस्टेट रोगले सताएको छ । डाक्टरको सल्लाहअनुसार औषधि खाँदै छु । तर, डाक्टरले अपरेसन गर्नुपर्छ भन्नुहुन्छ । अहिले मेरो सेक्स गर्ने शक्ति पनि घटेको छ । सेक्स गरेपछि वीर्य स्खलन नभई फर्केजस्तो हुन्छ । अपरेसन गरेपछि मेरो सेक्स पावरमा कुनै गडबडी हुन्छ कि भन्ने डर छ मलाई । मैले कस्तो खालको अपरेसन गर्नु ठीक हुन्छ होला ?
सुझाब- प्रोस्टेट भनेको एक प्रकारको रोग हो । यो रोगले पुरुषहरुलाई उमेर ढल्किँदै गएपछि दुःख दिन्छ । प्रोस्टेट ग्रन्थि, मुत्र थैलीको मुनि हुन्छ र यसले पिसाब बग्ने नलीलाई छोपेर राखेको हुन्छ ।
प्रोस्टेटमा समस्या देखियो भने पिसाब फेर्न सुरु गर्न गाह्रो हुने र एकचोटि पिसाब सुरु भए पछि रोक्न गाह्रो हुने जस्ता लक्षण देखिन्छन् ।
प्रोस्टेट उमरे बढेसँगै ठूलो हुँदै जान्छ । प्रोस्टेट ठूलो हुन नदिन र पिसाब गर्दा समस्या नहोस् भनी औषधिद्वारा उपचार सुरु गरिन्छ ।
यदि औषधिबाट निको भएन भने अपरेसन गर्नु नै जाती हुन्छ । अपरेसन गर्नको लागि तीनचारवटा विकल्प छन् । तपाईँको प्रोस्टेटको अवस्थाअनुसार जाँच गरेर निधो गरिन्छ । त्यसको लागि युरोलोजिस्टसँग छलफल गर्नुपर्छ ।
प्रोस्टेटको समस्या भएकाहरूले आफ्नो दैनिकीमा केही फेरबदल गर्दा केही फाइदा पुग्छ । राती सुत्नुभन्दा एकदुई घण्टा अगाडिदेखि पानी नखाँदा रातीराती उठ्ने समस्याबाट बच्न सकिन्छ । पिसाब गर्न मन लाग्नेबित्तिकै अथवा एउटै समयमा पिसाब गर्ने बानीले पनि सहयोग गर्छ ।
तपाईँलाई भएको प्रोस्टेटको उपचार गर्नैपर्छ ।
त्यसका लागि आफ्नो युरोलोजिस्टसँग भेटेर समस्याको निदान गर्नुहोला । उहाँले नै प्रोस्टेटको अवस्था हेरेर तीनचार विकल्पमध्ये उपयुक्त अपरेसन गर्नुहुनेछ ।
जस्तै, टियुआरपी, प्रोस्टेटसम्बन्धी उपचार गरेपछि ७०८० प्रतिशतमा यौन समस्या आउँछ । जस्तै, इरेक्सन राम्रो न हुने, रेट्रोग्रेड इजाकुलेसन हुने, चरमसुखमा फरक हुने आदि समस्या देखिन्छन् ।
यी समस्याको प्रोस्टेटको उपचारपछिमात्र लक्षण हेरी उपचार गरिन्छ । त्यसकारणले प्रोस्टेटसम्बन्धी अपरेसनपछि यौनसम्बन्धी समस्या हुनसक्छ । त्यसका लागि प्रोस्टेटको उपचारपछि मात्र यौन समस्याको उपचार गर्नुपर्छ ।
तपाईको समस्या कुन स्तरको हो भनेर पहिले पत्ता लगाउनु पर्छ अनि मात्रै अपरेसन गर्ने कुरा आउँछ । त्यसैले तपाईले तुरुन्त स्वास्थ्यकर्मीसँग सल्लाह लिनुहोला ।
