मन्त्रिपरिषद बैठक बस्दै, कुलमानबारे होला त निर्णय ?


काठमाडौं । मन्त्रिपरिषद बैठक आज बस्दै छ । बैठक बेलुका ५ बजे प्रधानमन्त्री निवास बालुवाटारमा बस्ने छ ।  बालुवाटार स्रोतका अनुसार आज बस्ने बैठकले केही महत्त्वपूर्ण निर्णयहरु गर्दैछ । नेपाल विद्युत प्राधिकरणको कार्यकारी प्रमुख र सरकारको प्रवक्ता समेत तोक्ने तयारी भएको बुझिएको छ ।

प्राधिकरणका कार्यकारी निर्देशक कुलमान घिसिङको चार वर्षे कार्यकाल आइतबार सकिएको छ । त्यस्तै सरकारको प्रवक्ताको जिम्मेवारी समेत पाएका अर्थ तथा सञ्चार मन्त्री डा. युवराज खतिवडाले भदौ २० गते राजीनामा दिएसँगै सो पद पनि खाली छ ।

यी दुई विषयमा आजको मन्त्रिपरिषद बैठकले निर्णय गर्ने बुझिएको छ ।

तपाईको प्रतिक्रिया

सम्बन्धित समाचार