काेराेना संक्रमणपछि होम आइसोलेसनमा बसेका काँग्रेस महामन्त्री कोइराला अस्पताल भर्ना


काठमाडौं । कोरोना संक्रमित नेपाली कांग्रेसका महामन्त्री डा. शशांक कोइरालालाई अस्पतालमा भर्ना गरिएको छ । कोरोना संक्रमण पुष्टि भएपछि होम आइसोलेसनमा बस्दै आएका कोइरालालाई अस्पताल भर्ना गरिएको हो ।

उनलाई ज्वरो देखिएपछि गएको सोमबार राति नै चाबहिलस्थित ओम अस्पतालमा भर्ना गरिएको थियो । अहिले उनको स्वास्थ्यमा सुधार भइरहेको भएपनि निमोनिया  देखिएकाले अस्पतालको सघन उपचार कक्षमा उपचार भइरहेको छ ।

कोइरालाको उपचारमा ओमका मेडिकल डाइरेक्टर सिनियर कन्सल्ट्यान्ट फिजिसियन डा. विश्वनाथ कोइरालाको नेतृत्वको चिकित्सक टोली संलग्न छ। उनको अवस्था सुधारोन्मुख रहेको उपचारमा संलग्न चिकित्सकले जनाएका छन् ।

 

तपाईको प्रतिक्रिया

सम्बन्धित समाचार