रौतहट । रौतहटमा प्रहरीले गोलीसहित हतियार बरामद गरेको छ ।
जिल्ला प्रहरी कार्यालय रौतहटबाट खटिएको प्रहरीको टोलीले बुधवार मध्यरातमा सीमानाकाबाट एक थान कटुवा पेस्तोल र एक थान गोली बरामद गरेको प्रहरी निरीक्षक पप्पु नायकले जानकारी दिए।
प्रहरीका अनुसार परोहा नगरपालिका ८ नेपाल – भारत सीमा दशगजा क्षेत्रमा खटिएको प्रहरी टोलीले चेकजाँच क्रममा पेस्तोल र गोली बरामद गरेको हो । जाँचका क्रममा भारततिरबाट दुई जना संकास्पद ब्यक्ती नेपाल छिर्दै गर्दा चेकजाँच गर्नेक्रममा ति ब्यक्तीहरु पोस्तोल छोडेर भागेको प्रहरी निरीक्षक पप्पु नायकले बताए ।
भारतको निर्वाचनलाई मध्यनजर गर्दै नेपाल प्रहरीले दुई देशको सीमा क्षेत्रका सुरक्षा जाँचमा कडाई गर्दै आएको छ । तर, भारत र नेपालबीचको खुला सिमाका कारण बेला बेला विभिन्न अपराधिक कृयाकलाप हुँदै आएका छन् ।
