कपिलवस्तु । अपराध नियन्त्रण गर्ने प्रहरीले नै जघन्य अपराधका घटना पनि गर्दै आएका छन् । त्यस्तै कपिलवस्तुमा एक प्रहरी जवानले आफ्नै महिला सहकर्मीलाई बलात्कारको प्रयास गरेको छन् । बलात्कार प्रयासको आरोपमा जिल्ला प्रहरी कार्यालय कपिलवस्तुमा कार्यरत २१ वर्षीय प्रहरी जवान भरत ओलीलाई प्रक्राउ गरिएको छ ।
घटना यही असोज २० गते भएको भएपनि प्रहरीले उक्त घटना बाहिर ल्याएको थिएन । प्रहरी जवान कोलीले सहकर्मीलाई जबरजस्ती प्रयास गरेका थिए । प्रहरी कार्यालय नजिकै बसपार्क क्षेत्रमा डेरामा बस्दै आएकी ३१ वर्षीया महिला प्रहरी जवानलाई ड्युटी सकेर घर जाने क्रममा ओलीले समातोर जबरजस्ती गर्न खोजेका थिए । घटनाको भोलिपल्ट जिल्ला प्रहरी कार्यालयमा ति महिला प्रहरीले उजुरी दिएपछि ओली पक्राउ परेका हुन् ।
