काठमाडौं । आइतबारको भन्दा सोमबार सुनको मूल्य ३ सयले घटेको छ । सोमबार तोलामा ३ सय रुपैयाँले घटेर ५७ हजार ७०० रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ ।
आइतबार सुन तोलाको ५८ हजार रुपैयाँमा कारोबार भएको थियो ।
यस्तै तेजावी सुन प्रतितोला ५७ हजार ४ सयमा कारोबार भइरहेको छ ।
चाँदीको मुल्य भने सोमबार प्रतितोला ७ सय ५ रुपैयाँमा कारोबार भइरहेको छ । अघिल्लो दिनको तुलनामा चाँदीमा तोलाको ५ रुपैयाँले घटेको छ ।
मंसिर महिना सुरु भएसंगै सुन चाँदीको कारोबारबढि हुने भएकाले दिनप्रति दिन दर भाउमा अन्तर भइरहन्छ ।
