काठमाडौँ । ३३ किलो सुनकाण्ड रहस्यमै रहेका बेला देशका विभिन्न ठाँउबाट सुन बरामद हुनेक्रम जारि छ । अवैधरूपमा सुन विदेश लैजाने क्रममा त्रिभुवन अन्तर्राष्ट्रिय विमानस्थल कार्यालयले फेरि चार जनालाई पक्राउ गरेको छ । सोमबार साँझ महानगरीय प्रहरी
कार्यालयले विदेश लैजानका लागि अन्तर्राष्ट्रिय उडानतर्फको पार्किङ क्षेत्रबाट चितवनका सुनिल राउत, बाराका सन्दीप पटेल, मकवानपुरका अर्पण केसी र खोटाङका मनोज राईलाई पक्राउ गरेको हो ।
प्रहरीले पक्राउ परेकामध्ये राउत र पटेलसँग रु १० लाख १५ हजार मूल्य पर्ने चार थान सुनको ठूलो बाला, केसी र राईसँग रु १७ लाख ४६ हजार मूल्य बराबरको पाँचथान सुनको ठूलो बाला, तीन मोबाइल र ल्यापटप बरामद गरेको जनाएको छ ।
प्रहरीका अनुसार पक्राउ परेका चारै जनालाई सुन र सामानसहित आवश्यक कारवाहीका लागि त्रिभुवन विमानस्थल भन्सार कार्यालय पठाइएको छ ।
