विराटनगर । रक्षामन्त्री ईश्वर पोखरेलले विप्लव समूहसँग तत्कालको अवस्थामा वार्ताको कुनै सम्भावना नरहेको बताएका छन् ।
समाजमा अशान्ती फैलाउने, मान्छे मार्ने, बम पड्काउने गतिविधी विप्लव समूहले जारि राखेकै अवस्थामा सरकारले वार्ता गर्न नसक्ने उनको प्रष्ट पारे ।
सोमबार विराटनगर बिमास्थलमा रक्षमन्त्री पोखरेलले भने, “विप्लव समुहले हतियार विसाएको छैन, जबसम्म हतियार बिसाउदैन तबसम्म वार्ताको कुनै सम्भावना छैन । हतियार बिसाए सरकार वार्ताका लागि तयार छ ।”
देशमा अशान्ती मच्चाउने, अराजक गतिविधी गर्ने, बम पड्काउनेहरुलाई मात्रै सरकारले निषेध गरेको प्रष्ट पार्दै रक्षामन्त्री पोखरेलले भने, ‘कुनै राजनीतिक पार्टी वा दललाई सरकारले निषेध गरेको छैन ।’
