कैलाली । कैलालीको धनगढीमा योनिभित्र लागुऔषध लुकाएर ल्याउने एक युवती पक्राउ परेकी छन् ।
पक्राउ पर्नेमा धनगढी उपमहानगरपालिका १ पशुपतिटोल बस्ने २० वर्षीया अनुष्का सिंह ठकुरी रहेको जिल्ला प्रहरी कार्यालय कैलालीले जनाएको छ। उनले योनिभित्र एक ग्राम खैरो हेरोइन लुकाएर ल्याउदै गरेको प्रहरीले पक्राउ गरेको थियो ।
धनगढीस्थित त्रिनगर भन्सार नाकाबाट खैरो हेरोइन ल्याइरहेको विशेष सूचनाका आधार लागुऔषध अनुसन्धान ब्यूरो महेन्द्रनगर कंचनपुर र जिल्ला प्रहरी कार्यालय कैलालीको टोलीले चेकजाँचका क्रममा ठकुरीलाई पक्राउ गरेको हो।
भन्सार नाकामा रहेको हेल्थ डेस्ककी महिला स्वास्थ्यकर्मी र प्रहरीले उनको योनिबाट लागुऔषध निकालेको थियो। ठकुरीमाथि नियन्त्रणमा लिएर थप अनुसन्धान भइरहेको कैलाली प्रहरीले जनाएको छ।
