काठमाडौं । शुक्रबार बिहानैदेखि देशभरको मौसममा बदली आएको छ । मौसम पूर्वानुमान महाशाखाका अनुसार शुक्रबार र शनिवार देशभरीकै मौसम बदली हुनेछ ।
शुक्रबार देशको पूर्वी, मध्य र पश्चिम पहाडका केही ठाउँमा र मध्य क्षेत्रका केही ठाउँमा शनिबार हावाहुरीसहित मौसम बदली हुने सम्भावना छ।
आज देशको पूर्वी, मध्य र पश्चिमी क्षेत्रका केही भाग मेघ गर्जनसहित वर्षाको सम्भावना रहेको मौसम विदहरुको भनाई छ। उच्च हिमाली भागका हल्का हिमपातको पनि सम्भावना रहेको छ।
शनिबार पनि देशको अधिकांश भागमा मेघ गर्जनसहित सामान्यदेखि पूर्ण बदली र हिमाली भेगमा हिमपात हुने सम्भावना छ। तराईका सीमावर्ती जिल्लामा हावाहुरीको पनि सम्भावना रहेको महाशाखाले जनाएको छ।
