काठमाडौँ । सेन्ट्रल एसियन भलिबल एसोसिएसन (काभा) महिला नेसन्स लिग भलिबलको उपाधि भारतले जितेको छ । आज राष्ट्रिय खेलकुद परिषद्को कभर्ड हलमा केहिबेरअघि सम्पन्न फाइनल खेलमा नेपाललाई पाँचौ सेटमा हराउँदै भारतले उपाधि जितेको हो ।
चार सेटमा बराबरी खेलेको नेपालले पाँचौं सेटमा भने खराब प्रर्दशन गरेको थियो । पहिलो सेटमा निकै राम्रो खेलेको नेपालले चौथो सेटबाट भारतसँग रक्षात्मक खेल्दै बराबरी गरेको थियो । तर, अन्तिम पाँचौं सेटमा भने भारत हावी भयो ।
पहिलो सेटमा नेपाल भारतसंग २५–२३ जितेको थियो । दोस्रो सेटमा भारत २५–१४ ले जित्यो । त्यसैगरी, तेस्रो सेटमा नेपालले भारतलाई २५–२२ ले पछि पार्यो । चौथो सेटमा फेरि भारतले अग्रता लिँदै नेपाललाई २५–२१ ले जित्यो र पाँचौं सेटमा १५ अँकका लागि भएको खेलमा भारतले नेपाललाई १५–१० अँकले पछि पार्दै उपाधि हात पार्यो ।
नेपाल इरानलाई सेमिफाइनलमा पराजित गर्दै फाइनलमा पुगेको थियो भियो भारत श्रीलंकालाई पराजित गर्दै फाइनल पुगेको थियो ।
