काठमाडौं । रुकुमपूर्वको पुथाउत्तरगंगा गाउँपालिका उपाध्यक्ष भुपेन्द्रा बुढाको सवारी दुर्घटनामा मृत्यु भएको छ ।
दुर्घटनामा अन्य तीन जनाको मृत्यु भएको छ । अन्य मृतकको पहिचान खुल्न बाँकी छ ।
बागलुङको गलकोट नगरपालिका वडा नम्बर २ भुङखानीमारा ३३ वर्षीय उपाध्यक्ष बुढा चढेको १ झ २०० नम्बरको सरकारी गाडी आज बिहान ९ बजेतिर दुर्घटना हुँदा उनिहरुको मृत्यु भएको प्रहरीले जनाएको छ ।
उपाध्यक्ष बुढा कर्मचारीसहित केहि दिनअघि काठमाडौं गएको र आज फर्किने क्रममा उनी सवार गाडी बागलुङमा दुर्घटना भएको रुकुम पूर्वका प्रमुख जिल्ला अधिकारी माधव शर्माले बताए ।
