वीरगन्ज । मोटरसाइकल दुर्घटना हुँदा श्रीमतीको मृत्यु भएको छ भने श्रीमान गम्भीर घाइते भएका छन्। बाराको बाराको कलैया उपमहानगरपालिका २६ श्रीपुरमा मङगलबार दिउँसो ट्रिपरले ठक्कर दिँदा मोटरसाइलमा सवार श्रीमतीको घटनास्थलमै मृत्यु भएको छ भने श्रीमान् गम्भिर घाइते भएका छन् ।
मृत्यु हुनेमा बाराको सिसवा महेशपुरकी ३५ वर्षीया खुश्बु नेशा खातुन रहेकी छन् । भने घाइते हुनेमा ४० वर्षीया जाकिर हुसेन रहेका छन् । घाइते हुसेनको कलैयास्थित जिल्ला अस्पतालमा उपचार भइरहेको छ।
ना ८ ख ३१२९ नम्बरको ट्रिपरले वीरगन्जबाट कलैया जाँदै गरेको ना १६ प ९७५७ नम्बरको मोटरसाइकलाई ठक्कर दिएको हो।
नवलपरासीको कावासोतीमा व्यापार गर्दै आएका खातुन दम्पति बुधबार परेको इदुल फित्र मनाउन घर फर्किँदै गर्दा दुर्घटनामा परेका हुन् । प्रहरीले ट्रिपर र ट्रिपर चालक सुरेन्द्र पटेललाई नियन्त्रणमा लिएको छ।
