काठमाडौं । यस वर्षको एसइई परीक्षाको परीक्षाफल असार दोस्रो सातामाात्रै सार्वजनिक हुने भएको छ ।
देशभरका उत्तरपुस्तिका जाँच कार्य सम्पन्न भएर नम्बर इन्ट्रीको काम भइरहेको बोर्डका परीक्षा उपनियन्त्रक चेतनाथ शर्माले जानकारी दिए ।
प्रदेश नं २ मा परीक्षा स्थगित गरी पुनः परीक्षा सञ्चालन गर्नुपरेको र कर्मचारी समायोजनका कारण कर्मचारीको अभाव भएकाले नतिजा प्रकाशनमा केही दिन ढिला हुने राष्ट्रिय परीक्षा बोर्डले जनाएको छ । गत वर्ष असार ९ गते नतिजा प्रकाशित भएको थियो ।
यस वर्ष गत चैत १० गतेबाट शुरु भएको एसइई परीक्षामा नियमिततर्फ चार लाख ७५ हजार परीक्षार्थी सहभागी भएका छन् ।
