धरान । अत्याधिक गर्मीका कारण धरानका निजी तथा संस्थागत विद्यालय पाँच दिनका लागि बन्द गरिएको छ ।
गर्मीका कारण पठनपाठनमा समस्या आएपछि सोमबारदेखि पाँ दिनसम्मका लागि बिधालय बन्द गरिएको हो ।
प्याब्सन, एनप्याब्सन र एसीसीले गर्मीका कारण पठनपाठनमा समस्या भएको भन्दै विद्यालय बन्द गर्ने निर्णय गरेको विद्यालय संयोजन कमिटीका अध्यक्ष राजेन्द्र गुरुङले जानकारी दिए ।
धरानमा पछिल्लो समय डेङ्गुको प्रकोपसमेत फैलिएको छ । डेङ्गुको प्रकोपलाई समेत हेरी विद्यालय बन्द गर्ने निर्णय गरिएको हो ।
धरानमा एनप्याब्सनमा आवद्ध ३९ तथा प्याब्सनमा आबद्ध ४४ विद्यालय रहेका छन् । सामुदायिक विद्यालय भने गर्मीमा समेत सञ्चालनमै रहेका छन् ।
