काठमाडौं । दशैलाई मध्यनजर गर्दै नेपाल टेलिकमले दसैँ रिचार्ज बोनस अफर ल्याएको छ । टेलिकमले असोज २९ देखि कात्तिक ४ गतेसम्म रिचार्ज कार्ड, इलेक्ट्रोनिक रिचार्ज वा एमपोसबाट रिचार्ज गर्दा सेवाग्राहीलाई बोनस दिनेछ ।
टेलिकमका अनुसार १०० र २०० रुपैयाँको रिचार्ज कार्ड वा इलेक्ट्रोनिक माध्यममार्फत रिचार्ज गर्दा १० प्रतिशत तथा ५०० र १ हजारको रिचार्ज कार्ड वा इलेक्ट्रोनिक माध्यमबाट रिचार्ज गर्दा १५ प्रतिशत बोनस पाइनेछ । तर, १० प्रतिशतको बोनस ३ दिन भित्र र १५ प्रतिशतको बोनस ५ दिन भित्र उपभोग गरिसक्नु पर्नेछ।
टेलिकमका प्याकहरु
अनलिमिटेड प्याकः टेलिकमका विभिन्न प्याक मध्ये यस अफरमा जीएसएम तथा सीडीएमए मोबाइलमा अनलिमिटेड भ्वाइस र अनलिमिटेड एसएमएस सेवा उपभोग गर्न सकिन्छ।
सो प्याक अन्तर्गत १ जीबी पिक आवर ९ बिहान ६ बजेदेखि राति १० बजेसम्म र १ जीबी अफपिक आवर ९ राति १० देखि विहान ६ बजेसम्म० प्रयोग गर्न सकिनेछ। सोही प्याक ७ दिन समयावधिका लागि ३ सय रुपैयाँमा पनि उपलब्ध हुनेछ।
त्यसैगरि, भ्वाइस प्याक : यस अन्तर्गत ६ रुपैयाँमा निरन्तर ६० मिनेट भ्वाइस सुविधा उपभोग गर्न सकिने छ। एक दिनका लागि मात्र उपलब्ध हुने सो सुविधा विहान ६ बजेदेखि बेलुकी ६ बजेसम्म उपभोग गर्न सकिने छ। भ्वाइस सुविधा नेपाल टेलिकमको नेटवर्कमा मात्र प्रयोग गर्न सकिने छ।
डाटा प्याक : यस अन्तर्गत ३६ एमबी डाटा ६ रुपैयाँमा एक दिनका लागि उपलब्ध हुनेछ। सो डाटा पनि विहान ६ बजेदेखि बेलुकी ६ बजेसम्म उपभोग गर्न सकिन्छ ।
उपरोक्त अफरहरु यही असोज २४ देखि कात्तिक ७ सम्म खरिद गर्न सकिने टेलिकमले जनाएको छ । अफर र विभिन्न प्याकेजबारे अन्य जानकारीका लागि प्राटेलिकमको वेबसाइटमा हेन सकिनेछ ।
