काठमाडौं । सभामुख महराले बलात्कार गरेको आरेप लगाउने संसद सचिवालयकी कर्मचारी रोशनी शाहीको सुरक्षाका लागि प्रहरी खटाइएको छ । घटनाको अनुसन्धानमा सहयोग पुर्याउनुका साथै उनको सुरक्षाका लागि पनि प्रहरी खटाइएको बताइएको छ ।
शाहीको सुरक्षाका लागि प्रहरीले एक जना असई र एक जना महिला प्रहरी खटाएको प्रहरी स्रोतले बताएको छ ।
प्रहरीका अनुसार आज विहान पनि शाहीको कोठामापुगेर एक टोलीले थप अनुसन्धान गरेको छ । अनुसन्धानलाई मजबुत बनाउन नै कोठामा प्रहरी पठाएको बताइएको छ ।
यस अघि मंगलबार आफुलाई बलात्कारको आरोप लागेपछि महराले सभामुखबाट राजिनामा दिइसकेका छन् । र प्रहरीले घटनाको अनुसन्धान गरिरहेको छ ।
