हेटौंडा । मकवानपुरमा ट्रकले च्यापिएर दुईजनाको मृत्यु भएको छ । पूर्वपश्चिम राजमार्ग अन्तर्गत मकवानपुरको हेटौंडास्थित पशुपति नगरमा ना. ६ ख. ७०१७ नम्बरको ट्रक एक्कासी सडकमा पल्टिदा च्यापिएर हेटौंडा ४ का अन्दाजी २० वर्षीय सुदिप घिमिरे र सोहि ठाँउका अन्दाजी ३५ वर्षीय गंगा चेम्जोङको मृत्यु भएको जिल्ला प्रहरी कार्यालय मकवानपुरले जनाएको छ ।
बाराबाट मकै बोकेर आएको उक्त ट्रक सडकमा पल्टिदा गुडिरहेको ना. ४६ प. ६२१ नम्बरको मोटरसाइकलमा सवार घिमिरे र ना. १ ह. ८९५९ नम्बरको अटोमा सवार चेम्जोङ च्यापिएको प्रहरीले बताएको छ । दुर्घटनामा एक जनाको घटनास्थलमै र एक जनाको अस्पताल लैजादै गर्दा मृत्यु भएको थियो ।
