लण्डन । बेलायतमा कोरोना भाइरसको संक्रमणबाट मृत्यु हुने नेपालीको संख्या १८ पुगेको छ । आइतबार एक जना नेपालीको मृत्यु भएपछि मृतकको संख्या १८ पुगेको हो ।
कोरोनाका कारण याङ्जाकोट स्थायी घर भएका ४९ वर्षीय विजय गुरुङको मृत्यु भएको हो । उनको उपचारका क्रममा रोयल बर्कशायर अस्पतालमा निधन भएको बताइएको छ ।
विजयकाे आइतबार मृत्यु भए पनि अस्पतालले दुई दिनपछि मात्रै परिवारलाई जानकारी दिएको थियो ।
स्वासप्रश्वासमा समस्या देखिएपछि विजयलाई गत साता अस्पताल भर्ना गरिएको थियो । उनको अस्पतालमै मृत्यु भएको परिवारले जनाएका छन् ।
