काठमाडौं । नेपाल आइडल सिजन -२ का दाबेदार रवि ओडं आइडलको उत्कृष्ट ६ मा पर्न सफल भएका छन् । बिहिबार भएको प्रतिस्पर्धामा उनले दिएको प्रस्तुती मन पराई दर्शकले दिएको भोटका आधारमा धनगढीका रवि उत्कृष्ट ६ मा पर्न सफल भएक हुन ।
नेपालको चर्चित रियालिटी सो नेपाल आइडलको बिहिबारको सोमा रविले गायिका टिका प्रसाइसंग युगल रुपमा नाइ मलाई था छैन….. बोलको गीत गाएका थिए । जुन प्रस्तुतीलाई दर्शकले औधी मन पराई देश विदेशबाट भोट गरेका थिए ।
प्रतियोगीहरुले दिएको प्रस्तुतीमा दर्शकलाई भोट गर्नका लागि बिहिबार राती ८ः३० देखि शुक्रबार दिउसो १२ बजेसम्म भोटिङ समय दिइएको थियो । यो समय अवधीमा दर्शकहरुले आफुलाई मन परेको प्रतियोगीलाई भोट दिएका थिए ।
एपी वान टेलिभिजनबाट प्रसारण हुने चर्चित रियालिटी सो नेपाल आइडलमा बिहिबार राती ७ जनाले प्रस्तुती दिएका थिए ।
सुदूरपश्चिमबाट एक्ला प्रतिस्पर्धी रहेका रविले नेपाल आइडलमा आफ्नो प्रस्तुतीबाट दर्शकहरुको सर्वाधिक माया पाइरहेका छन, जसले उनि सर्वार्धिक भोट पाउने प्रतिस्पर्धीका रुपमा पनि परिचित छन ।
नेपाल आइडलबाट प्रतियोगीमध्ये निलिमा थापामगर बाहिरिएका छन् । अब उत्कृष्ट ५ का लागि आउँदो शुक्रबार प्रतिस्पर्धा हुनेछ ।
