काठमाडौं । विहिबार विहानै थप सात जनामा कोरोना संक्रमण पुष्टि भएको छ । कपिवस्तुका, काठमाडौं, सर्लाही, धनुषा र महोत्तरीमा सात जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या २ सय ५० पुगेको स्वास्थ्य तथा जनसंख्या मन्त्रालयले जनाएको छ ।
कपिलवस्तुका ६ वर्षीया बालिका, काठमाडौंको चन्द्रागिरि निवासी ३२ वर्षीय पुरुषमा, सर्लाहीका ४५ वर्षीय पुरुष, धनुषाका २० वर्षीया महिला र ४० वर्षीय पुरुष महोत्तरीका १६ र ३५ वर्षीय पुरुषमा कोरोना भेटिएको छ ।
मंगलबार पनि चन्द्रागिरि नगरपालिकाकै मच्छेगाउँमा ३३ वर्षीया महिलामा कोरोना संक्रमण पुष्टि भएको थियो ।
यसअघि बुधबार एकै दिन २४ जनामा कोरोना संक्रमण पुष्टि भएको थियो ।
नेपालमा दिन प्रतिदिन कोरोना संक्रमितको संख्या बढ्दै गइरहेको छ ।
