काठमाडौं । नेपाल आइडल सिजन -२ का दाबेदार रवि ओडं फेरि सर्वाधिक भोट पाएर आइडलको उत्कृष्ट ५ मा पर्न सफल भएका छन् । बिहिबार गाला राउन्डमा भएको प्रतिस्पर्धामा उनले दिएको प्रस्तुती मन पराई दर्शकले दिएको भोटका आधारमा धनगढीका रवि उत्कृष्ट ५ मा पर्न सफल भएक हुन ।
नेपालको चर्चित रियालिटी सो नेपाल आइडलको बिहिबारको सोमा रविले स्वर सम्राट नारायण गोपालले गाएको “विरताको चिनो बिरको सन्तान, शहिदको रगत लाहुरेको निसानी” बोलको राष्ट्रिय गीत गाएका थिए ।
जुन प्रस्तुतीलाई दर्शकले औधी मन पराई देश विदेशबाट भोट गरेका थिए ।
आफ्नो प्रस्तुतीलाई मन पराई भोट गर्ने सम्पुण दर्शक तथा शुभचिन्तकहरुलाई रवि ओडंले धन्यवाद दिदै आगामी यात्राको लागि साथ र सहयागको अपिल पनि गरेका छन् ।
प्रतियोगीहरुले दिएको प्रस्तुतीमा दर्शकलाई भोट गर्नका लागि बिहिबार राती ८ः३० देखि शुक्रबार दिउसो १२ बजेसम्म भोटिङ समय दिइएको थियो । यो समय अवधीमा दर्शकहरुले आफुलाई मन परेको प्रतियोगीलाई विभिन्न माध्यमबाट भोट दिएका थिए ।
एपी वान टेलिभिजनबाट प्रसारण हुने चर्चित रियालिटी सो नेपाल आइडलमा बिहिबार राती ६ जनाले प्रस्तुती दिएका थिए ।
नेपाल आइडलको यो राउण्डबाट प्रतियोगीमध्ये पवन गिरी बाहिरिएका छन् ।
भिडियो हेर्नुहोस
