काठमाडौं । ‘नेपाल आइडल सिजन -२’ को फाइनल प्रतिस्पर्धामा धनगढीका रवि ओडंले आफ्नो आर्कषक प्रस्तुती दिएका छन ।
बिहिबार भएको प्रतियोगिताको फाइनलमा रबिले “ योगेश काजीको, दैव हे,…..र प्रसान्त तामाङको, अरे क्या नाम …..”, बोलको गीत गाएका छन । जुन प्रस्तुतीलाई दर्शले अत्याधिक मन पराई हुटिङ गर्दै “वान्स मोर” भनेका थिए भने जजहरुबाट आदरयुक्त प्रस्तुती भनिएको थियो ।
फाइनलको प्रतिस्पर्धामा एक प्रतियोगीले दुई वटा गीत गाउनु पर्नेमा रविले यि दुई वटा गीतहरुमा अत्यन्त मन छुने गरि उत्कृष्ट प्रस्तुती दिएका छन ।
प्रतियोगिताभर सधै उत्कृष्ट प्रस्तुती दिएर दर्शक र जजहरुको मन जित्दै आएका रबिले बिहिबारको प्रस्तुतीमा पनि सबैको मन जितेका छन ।
सुदूरपश्चिमबाट एक्लो प्रतिस्पर्धीका रुपमा रहेका रविले नेपाल आइडलमा सुदूरपश्चिमको इज्जत राख्दै आएका छन ।
नेपाल आइडल २ को दाबेदार रबिले बिहिबार दिएको प्रस्तुतीमा दर्शकलाई धेरै धन्दा धेरै भोट दिएर विजेता गराउन हर्दिक अपिल समेत गरेका छन ।
रवि ओडलाई भोट गर्नका लागि मोबाइलको Message Box मा गई १० टाईप गरी ३१००९ मा सेन्ड गर्नुपर्नेछ । साथै विदेशमा रहेकाहरुले रविलाई Rise and respect app डाउनलोड गरी भोट गर्न सक्नेछन ।
नेपाल आइडलको विहिबारको प्रस्तुतीमा ४ जना प्रतिस्पर्धीले दुई / दुई वटा गीत गाएर आफ्नो प्रस्तुती दिएका थिए ।
बिहिबारको प्रस्तुतीबाट चारै प्रतियोगीहरु सिधै आइडलको ग्राण्ड फिनालेमा प्रबेश गरेका छन । जुन आउँदो पुस ६ गते काठमाडौंमा नै हुनेछ ।
बिहिबारको प्रस्तुतीमा आफुलाई मन परेको प्रतियोगीहरुलाई भोट गर्नका लागि दर्शकलाई बिहिबार ८ः३० देखि पुस ६ गते साँझ ५ बजेसम्मको समय अवधी दिइएको छ भने नतिजा शुक्रबार नै हुने ग्राण्ड फिनालेमा घोषणा गरिनेछ ।
भिडियो हेर्नुहोस,
