काठमाडौं । नेपाल कम्युनिस्ट पार्टी (नेकपा)का प्रभावशाली नेता भीम रावलले नेपाल आइडल- २ विजेता रवि ओडलाई बधाई दिएका छन् । पुर्बमन्त्री तथा नेकपाका सुदूरपश्चिम इन्र्चाज समेत रहेका नेता रावलले टुइटरमा लेख्दै रविलाई बधाई दिएका हुन् ।
उनले टुइटरमा लेखेका छन, “नेपाल आइडलमा प्रथम हुनु भएकोमा रवि ओडलाई हार्दिक बधाई । आगामी दिनहरूमा थप सफलताको हार्दिक शुभकामना । प्रतिस्पर्धामा निकटतम् रहनेहरूलाई बधाई र आगामि दिनमा सफलताको हार्दिक शुभकामना ।”
अछाम पुर्ख्यौली घर भएका नेता रावलले आफुलाई बधाई दिएको थाहा पाउदा निकै खुशी लागेको रविले बताएका छन । रविको पनि पुर्ख्यौली घर अछाम हो हाल कंचनपुरको गुलरियामा बस्दै आएका छन ।
सुदूरपश्चिमबाट फाइनलमा एक्लो प्रतिस्पर्धीका रुपमा रहेर आइडल जितेपछि अहिले सिंगो सुदूरपश्चिममा विजय उत्सव मनाउनेक्रम जारि छ । रविलाई विभिन्न माध्यमबाट देश विदेसबाट बधाईसहित आगामी सांगीतिक भविष्यका लागि शुभकामना आइरहेका छन ।
शुक्रबार ललितपुरस्थित पुल्चोक इन्जिनियरिंग क्याम्पसको मैदानमा सम्पन्न नेपाल आइडल-२ को ग्राण्ड फिनालेमा रवि यसबर्षको नेपाल आइडल घोषित भएका थिए ।
रवि ओडका बिषयमा यहाँ भिडियोहरु हेर्न सकिन्छ ।
