धनगढी – नेपाल आइडलको विजेता बने पछि पहिलो पटक गृह प्रदेश सुदूरपश्चिम पुगेका रवि ओडलाई धनगढीमा भव्य स्वागत गरिएको छ । धनगढीमा रविलाई सुदूरपश्चिम प्रदेशका मुख्यमन्त्री त्रिलोचन भट्टले फुलमाला र अबिरका साथै दोसल्ला ओडाई सम्मान गरेका छन् ।
मुख्य मन्त्रीको कार्यालयमा आयोजनामा गरिएको सम्मान कार्याक्रममा रविलाई प्रमुख जिल्ला अधिकारी, प्रहरी प्रमुख, धनगढी उपमहानगरपालिकाका मियर लगाएतले दोसल्ला ओढाई बधाई तथा सम्मान गरेका छन् । रविको आगामी यात्राका लागि शुभकामना समेत दिएका छन् ।
सम्मान कार्यक्रममा बोल्दै रविले आफुलाई नेपाल आइडल बनाउन सहयोग गरेकोमा सबैलाई धन्यवाद दिएका छन् । साथै प्रदेश सरकारले गरेको बधाई तथा सम्मान कार्यक्रमको प्रशंसा गर्दै यो जीत आफ्नो मात्रै नभई सबैको भएको बताएका छन् । देश भरका नागरिकले आफुलाई भोट दिएर सहयोग गरेकोमा धन्यवाद दिएका छन् ।
मुख्यमन्त्री भट्टको कार्यालयमा अयोजना गरिएको बधाई तथा सम्मान कार्यक्रममा प्रमुख जिल्ला अधिकारी, प्रहरी प्रमुख, धनगढी उपमहानगरपालिकाका मियेर, संचारकर्मी लगाएतको सहभागि रहेको थियो । यसअघि रविलाई धनगढी विमान स्थलमा पनि भव्य स्वागत गरिएको थियो । सयौंको संख्यामा उपस्थित सर्वसाधरणले फुलमाला र खादा लगाएर स्वागत गरेका थिए ।
रवि आजै काठमाडौं फर्किन कार्यक्रम रहेको छ ।
