काठमाडौं । चर्चित गायक तथा मोडल चक्र बमको बिद्यानास गीत रिलीज भएको छ । शुक्रबार चक्र बमको अफिसियल युटुब च्यानलबाट रिलीज भएको बिद्यानास बोलको गीतमा शब्द, संगीत र गायन स्वयम चक्र बमकै रहेको छ भने गीतमा र्याप करिष्मा बिष्टको रहेको छ ।
गीतको एरेन्ज कमल सौरागले गरेका हुन भने भिडियो निर्देशन बिक्रम चौहानले । गीतमा चक्र, करिश्मा बिष्ट र करिश्मा ढकालको नृत्यसहितको अभिनय देख्न सकिन्छ । दारु सड्काउन्यां भाग २ भनेर यस गीतलाई ल्याइएको छ ।
युटुबमा अपलोड गरेको छोटो समयमा गीतले दर्शकबाट राम्रो प्रतिकृया र माया पाइरहेको छ ।
देउडा फ्युजनका गीतहरु गाएर युवामाझ लोकपृय बनेका चक्रले यसअघि ‘दारु सड्काउन्यां’ बोलको गीत ल्याएका थिए, जुन निकै चर्चामा रह्यो । साथै गीतले समाजमा केहि फरक सन्देश दिएको भन्ने प्रतिकृया आएपछि “दारु चुरोट छुन्न बिद्यानास” बोलको गीत ल्याइएको गायक तथा मोडल चक्र बमले बताए । उनका अनुसार मानोरंजन र सन्देश दुबै कुरा गीतमा दिन खोजिएको छ ।
गीत हेरौं,
