काठमाडौं । बतास समूहलाई पशुपति धर्मशालामा होटल सञ्चालन गर्ने बाटो बन्द भएको छ । आज काठमाडौं जिल्ला अदालतले गत चैत २५ गते बतास समूहको पक्षमा आएको अन्तरकालीन आदेशलाई बदर गरिदिएपछि बतासलाई होटल खोल्ने बाटो बन्द भएको हो।
यसअघि भएको अन्तरकालीन आदेशलाई अदालतले बदर गरिदिएको छ । अदालतका न्यायाधीश विनोदकुमार पोखरेलको इजलासले यसअघि काठमाडौं जिल्ला अदालतले नै गत चैत २५ गते बतास समूहको पक्षमा दिएको अन्तरकालीन आदेश बदर गरेको हो ।
यसअघि पशुपति क्षेत्र विकास कोषले करार भंग भएको भन्दै होटल सञ्चालन गर्न नदिएपछि बतास समूह अदालत पुगेको थियो । जिल्ला अदालत काठमाडौंले होटल सञ्चालन गर्न बतास समूहलाई अवरोध नगर्न अन्तरकालीन आदेश दिएको थियो ।
सो अन्तरकालीन आदेशविरुद्ध पशुपति क्षेत्र विकास कोषले दिएको निवेदनको आज सुनुवाई भएको हो ।
अदालतको आदेश पढ्नुहोस
