काठमाडौं । कक्षा १२ को परिक्षा नतिजा प्रकाशित गरिएको छ। राष्ट्रिय परीक्षा बोर्डले गत जेठ १५ देखि २५ गतेसम्म लिएको कक्षा १२ को बोर्ड परीक्षाको नतिजा आज सार्वजनिक गरेको हो । सार्वजनिक भएको नतिजा नेपाल टेलिकमको वइबसाइट www.neb.ntc.net.np खोलेर आफ्नो सिम्बोल नम्बर र जन्म मिति सबमिट गरेपछि नतिजा हेर्न सकिन्छ ।
यसवर्ष ग्रेडिङ पद्धति २०७८ अनुसार नतिजा प्रकाशन गरिएको बोर्डका अध्यक्ष महाश्रम शर्माले जानकारी दिए । जसअन्तर्गत यसवर्ष ४ हजार १७९ जनाले नियमिततर्फ ३।६१ देखि ४ जीपीए ल्याएका छन् ।
त्यस्तैगरी ३।२१ देखि ३६० जीपीए ल्याउने ३० हजार १०७ जना, २।८१ देखि ३।२० आउने ६५ हजार २८४ जना, २।४० देखि २।८० आउने ६४ हजार ९३ जना, २।१ देखि २।४० जीपीए आउने १० हजार ९ सय र १।६१ देखि २ जीपए आउने ३५ जना बिधार्थी रहेको बोर्डले जनाएको छ ।
यस्तै १ लाख ८८ हजार ४१० जना नन ग्रेडिङमा परेका छन् । बोर्डका अनुसार प्रत्येक विषयमा सैद्धान्तिकतर्फ कम्तिमा ३५ प्रतिशत अंक नल्याए ग्रेड सिटमा एनजी अर्थात नन ग्रेडिङ लेख्ने उल्लेख छ । नन ग्रेडिङमा परेका विद्यार्थीहरुले उच्च शिक्षामा भर्ना हुन नपाउने बोर्डले जनाएको छ ।
ग्रेड वृद्धि ९दुई विषयसम्म दिन पाउने० १ लाख ३० हजार ८७८ जनाले दिन पाउने छन् । बोर्डको अनुसार ग्रेडवृद्धि परीक्षा असोज ३० र ३१ गते सञ्चालन हुनेछ ।
