आईपीएल क्रिकेटमा आइतबार कोलकत्ता नाइट राइडर्समाथी सहज जित निकाल्दै सन्राइजर्स् हैदरावाद तालिकाको चौथो स्थानमा उक्लिएको छ।कोलकत्ताले दिएको एक सय ६० रनको लक्ष्य हैदरावादले १५ ओभरमा एक विकेटको गुमाएर पूरा गर्यो । हैदरावादलाई सहज जित दिलाउन ओपनर डेभिड वार्नर र जोनी वैरस्टले उत्कृष्ट प्रदर्शन गरे। डेभिटले ३८ बलमा ६७ रनको योगदान दिए भने जोनीले ४३ बलमा नटआउट ८० रन र केन विलिम्सनले नटआउट ८ रन जोडे। यसअघि कोलकत्ताले निर्धारित २० ओभरमा ८ विकेट गुमाएर एक सय ५९ रन बनाएको थियो।ओपनर चरिस ल्यानको अर्धसतक र अर्का ओपनर सुनिल नरिनेले विस्फोटिङ ब्याटिङ गरेपनि उनी टिक्न सकेनन्। ८ बलमा २५ रन बनाउँदै सुनिल आउट भए।रिंकु सिंहले २५ बलमा ३० रन बनाए पनि अरुले उल्लेख्य रन जोड्न सकेनन्। हैदरावादका खलिल अहमिदले ३ तथा भुवनेश्वर कुमारले दुई विकेट लिए।आईपीएलमा १४ अंकसहित चेन्नई शीर्षस्थानमा रहँदा १२ अंक जोडेका मुम्वई र दिल्ली क्रमशः दोश्रो र तेश्रो स्थानमा छन्। दोश्रो खेलमा आइतबार साँझ सवा आठ बजे बैंग्लोरले चेन्नईको सामना गर्दैछ । बैंग्लोर अंक तालिकाको अन्तिममा छ।
