कैलाली । कैलालीमा एक भारतिय ट्रकले ठक्कर दिँदा स्कुटर चालकको मृत्य भएको छ । शुक्रबार साँझ अत्तरिया– धनगढी सडकखण्डको राजपुरमा युपी ३१ टि ४८१७ नम्वरको भारतीय ट्रकले से ६ प ३२ १७ नम्वरको स्कुटरलाई ठक्कर दिदा धनगढी उप–महानगरपालिका वडा नम्वर ३ का २६ वर्षीय टेकवहादुर बलायरको घटनास्थलमै मुत्यु भएको हो ।
दुर्घटनापछि आक्रोशित स्थानीयहरुले सो ट्रकमा आगजनी गरेको जिल्ला प्रहरी कार्यालय कैलालीले जनाएको छ । दुर्घटनास्थलमा प्रहरीको टोली समयमै आएका कारण ट्रकमा लगाइएको आगो नियन्त्रणमा लिएको प्ररहीको भनाई छ । प्रहरी समयमै पुगेका कारण आगलागीबाट ट्रक पुर्ण रुपमा क्षती हुनबाट जोगिएको छ ।
आक्रोशित स्थानीयवासीलाई नियन्त्रण गर्न प्रहरीले तीन राउण्ड आश्रृग्यास समेत प्रहार गर्नु परेको कैलालीका डिएसपी दक्षकुमार बस्नेतको बताए।
डिएसपी बस्नेतका अनुसार ठक्कर दिने ट्रक चालक भारतको लखिमपुर खिरीका रवि शंकरलाई प्रहरीले नियन्त्रणमा दिइसकेको छ ।
अहिले दुर्घटनास्थल शान्त रहेको समेत उनको भनाई छ ।
