काठमाडौं। नेपाली क्रिकेटर सन्दीप लामिछाने इन्डिएन प्रिमियर लिग (आईपीएल) खेलेर स्वदेश फर्किएका छन् । आइतबार साँझ भारतबाट काठमाडौं ओर्लिएका सन्दीपले त्रिभुवन अन्तराष्ट्रिय विमानस्थलमा संचारकर्मीलाई प्रतिकृया दिदै भने, यसबर्षको आईपीएल आफ्नो लागि उपलब्धीपूर्ण भयो ।
आईपीएलमा दिल्ली क्यापिटल्सबाट सन्दीपले यसवर्ष ६ खेल खेल्दै ८ वटा विकेट लिएका थिए । “तुलनात्मक रुपमा गत बर्षको भन्दा यसबर्ष राम्रो अनुभव भयो उनले भने, व्यक्तिगत रुपमा मात्रै नभई नेपाली क्रिकेटकै स्तर माथि उठाउन केही योगदान गर्न सकेँ जस्तो लागेको छ ।”
क्रिकेटर सन्दीपले संचारकर्मीहरु आफुले प्रधानमन्त्री कप क्रिकेट नखेल्ने समेत जानकारी दिएका छन् । आफु केहि समय आराम गर्ने भएकाले यही जेठको पहिलो सातादेखि सुरु हुने प्रधानमन्त्री कपमा सहभागी नहुने प्रष्ट पारे ।
