कैलाली । कैलालीमा अवैध सेनीटाइजर बेच्नेलाई २० हजार जरिवाना तिराइएको छ ।
धनगढीबजार स्थित शैलेश्वरी आयुर्वेदिक मेडिकल हलले अवैध सेनीटाइजर बिक्री गरेको भन्दै २० हजार जरिवाना तिराइएको हो ।
शैलेश्वरी आयुर्वेदिक मेडिकललाई उपभोक्ता संरक्षण ऐन २०७५ को दफा ३८ को खण्ड ‘ख’ बमोजिम कसुर गरेको पाइएकाले जरिवाना तिराइएको वाणिज्य आपूर्ति तथा उपभोक्ता संरक्षण कार्यालय धनगढीले जनाएको छ ।
उक्त मेडिकल हलले अवैध सेनेटाइजर बिक्री गरिरहेको सूचनाका आधारमा कार्यालयबाट गएको टोलीले अनुगमन गर्ने २० हजार जरिवाना गराइएको हो ।
मेडिकल हलले ७ दिनभित्र तोकिएको जरिवाना बुझाउन निर्देशन दिइएको छ ।
