काठमाडौं । मेडिकल व्यवसायी दुर्गा प्रसाईंले आफ्नो स्वभाव नबदलिने बताएका छन् । आज उच्च अदालत पाटनको आदेशअनुसार २८ लाख धरौटी बुझाएपछि उनले यस्तो प्रतिकृया दिएका हुन् ।
सामाजिकसंजाल फेसबुकमा स्टाटास लेख्दै प्रसाईंले भनेका छन्, “म मेरो लागी हैन देशकै लागी थिएँ, छु र रहिरहनेछु । तरिका र शैली बदलिएला तर नागरिक र देशका लागी मन बचन र कर्मले लाग्ने मेरो स्वभाव परिवर्तन हुनेछैन ।”
उनले स्टाटसमा जिल्ला अदालतको आदेशलाई सम्मान गर्दै आफु कारागार गएको र आज उच्च अदालत पाटनको आदेशबाट रिहाई भएर घर फर्किरहेको समेत बताएका छन् । प्रसाईंले न्याय मरेको छैन भन्ने आभाष भएको समेत बताएका छन् ।
राष्ट्र, राष्ट्रियता, धर्म, संस्कृति र नागरिक बचाउ महाअभियानको संयोजक समेत रहेका प्रसाईंलाई चैत्र १५ गते तिनकुनेमा भएको राजावादीको हिंसातम्क आन्दोलनको नाइके भन्दै पक्राउ गरेर मुद्धा चलाएको थियो । उक्त घटनासंगै प्रसाईंमाथि बैंकिङ कसुरमा पनि मुद्धा चलाइएको थियो ।
दुबै मुद्धा उच्च अदालत पाटनका न्यायाधीशहरु सुदर्शनदेव भट्ट र मुनेन्द्रप्रसाद अवस्थीले उनलाई बैंकिङ कसुरमा २५ लाख र न्यायाधीश टंकप्रसाद गुरुङ र डिल्लीरत्न श्रेष्ठको इजलासले उनलाई तिनकुने घटनामा ३ लाख गरी २८ लाख धरौटीमा छाड्ने आदेश गरेका छन् । न्यायाधीशहरुले आफ्नो आदेशमा प्रसाईं क्यान्सर रोगबाट पीडित रहेको विषयलाई समेत मध्यनजर गर्दै धरौटीमा छाड्ने आदेश दिएका छन् ।
धरौटी बुझाइसकेको भएपनि ढिला गरेर केहिबेर अघि मात्रै डिल्लीबजार कारागारबाट प्रसाईं रिहा भएर घरतर्फ फर्किएका छन् । उनको स्वागतका लागि कारागार बाहिर उनका सयौं सर्मथकहरु भेला भएका थिए ।
उनको स्टाटस
