'जलपरी' गौरिकालाई सरकारले ५६ लाख पुरस्कार दिदै

काठमाडौं । ‘जलपरी’ उपमा पाएकी स्युमिङ खेलाडी गौरीका सिंहलाई सरकारले ५६ लाख नगद पुरस्कार दिने भएको छ । बुधबार प्रधानमन्त्री केपी ओलीले १३ औं सागमा पदक विजेता खेलाडीलाई नगद पुरस्कार दिने घोषणा गरेसँगै सागमा सबैभन्दा बढि पदक जितेकी गौरीकाले सो रकम पाउन लागेकी हुन ।

उनले सागका नेपालका लागि सर्वाधिक ४ स्वर्ण जितेकी थिइन । प्रधानमन्त्रीको घोषणा अनुसार सागमा दुई वा दुईभन्दा बढी स्वर्ण जित्नेलाई जनही ११ लाख पुरस्कार दिने घोषणा गरेसंगै ४ स्वर्ण विजेता गौरिकाले ४४ लाख पाउने छिन् ।

प्रतियोगितामा गौरीकाले २ रजत जितेकी थिइन । सरकारको पुरस्कार घोषणा अनुसार रजत जित्ने खेलाडीलाई जनही ६ लाख दिइनेछ । २ रजत पनि जितेकी गौरिकाले थप १२ लाख पाउनेछिन्। यसरि स्वर्ण पदकको ४४ लाख र रजत पदकको १२ लाख गरी ५६ लाख सुरस्कार पाउनेछिन् ।

व्यक्तिगत तर्फ कांस्य जित्नेलाई सरकारले ३ लाख दिने घोषणा गरिए पनि टिम इभेन्टमा जित्नेलाई कति दिने भन्ने नखुलाएकाले यदि त्यसमा पनि पुरस्कार दिएमा गौरिकाले पाउने पुरस्कार रकम अझै बढ्नेछ।

यो पनि पढुनुहोस