झापा । झापामा गएराती घरमा आगलागी हुँदा एकै परिवारका चार जनाको मृत्यु भएको छ ।
शिवसताक्षी नगरपालिका–७ लालझोडामा आइतबार राति करिब ११ बजे लक्ष्मण खनालको घरमा आगलागी हुँदा उनिसहित उनकी श्रीमती, एक छोरी र एक छोराको जलेर मृत्यु भएको छ ।
मृतक चारैजना अन्दाजी ३५ वर्षीय लक्ष्मण खनाल, ३३ वर्षीया श्रीमती राधिका खनाल, चार वर्षीया चन्द्रा खनाल र चार महिने शिशु टीकाराम खनालको एउटै खाटमा सुतेको अवस्थामै जलेर शव फेला परेको जिल्ला प्रहरी कार्यालय झापाका प्रवक्ता तथा नायव प्रहरी उपरीक्षक महेन्द्रकुमार श्रेष्ठले जानकारी दिए ।
आगलागी भएको खबर पाउना साथ दमकल सहित सुरक्षाकर्मीको टोली घटनास्थल पुगेको भएपनि
घरमा पुरै आगलागी भइसेकपछि मात्र छिमेकीले थाहा पाएका थिए ।
घटनाबारे प्रहरीलाई खबर गर्दासम्म मानविय क्षती भइसकेका कारण आफुहरुले बचाउन नसकिएको प्रहरीको भनाई छ ।
मृतक चारै जनाको शव सोमबार बिहानै परीक्षणका लागि भद्रपुरस्थित मेची अञ्चल अस्पतालमा लगिएको छ प्रहरी प्रवक्ता श्रेष्ठले बताए ।
