काठमाडौं । एन्फा मैदानमा जारि शहीद स्मारक ‘ए’ डिभिजन लिग फुटबल प्रतियोगिता अन्र्तगत आज भएको खेलमा फ्रेन्ड्स क्लब विजयी भएको छ ।
सात दोबाटोस्थित एन्फा कम्प्लेक्समा भएको पहिलो खेलमा फ्रेण्डसले मछिन्द्रलाई ३–० गोल अन्तरले पराजित गर्दै विजयी भएको हो ।
फ्रेन्ड्सको जीतमा विदेशी खेलाडी फोफाना ब्राहिमान, संजोक महर्जन र अनिल महर्जनले एक एक गोल गरेका थिए।
खेलमा फ्रेन्ड्सका कप्तान असिम भुसाल म्यान अफ दि म्याच घोषित भए ! जीतसँगै फ्रेन्ड्स ४ अङ्कका साथ लिगको नवौं स्थानमा उक्लिएको छ भने परािजत भएको मछिन्द्र दुई अङ्कका साथ लिगको १२औं स्थानमा छ ।
