काठमाडौं । स्वास्थ्यमा समस्या देखिए पछि आईतबार नेपाल कम्युनिष्ट पार्टीका अध्यक्ष एंव पूर्वप्रधानमन्त्री पुष्पकमल दाहालकी पत्नी सीता दाहाल अस्पताल भर्ना भएकी छन्।
पहिले देखि नै स्वास्थ्यमा समस्या भएकी सितालाई केही दिनयता चिसो र रूघाखोकीले सताएपछि अस्पताल भर्ना गरिएको हो । उनलाई ललितपुरको सुमेरू अस्पतालमा भर्ना गरिएको हो ।
केहि दिन यता बढेको चिसोका कारण उनलाई रूघाखोकी लागेको बताइएको छ । सीता मस्तिष्कसम्बन्धी रोग प्रोगेसिभ सुप्रान्युक्लियर पाल्सी (पीएसपी) बाट पीडित छन्। यस अघि उनलाई विदेशका विभिन्न अस्पतालमा उपचार गराइएको थियो ।
