सुर्खेत । दिसा खुवाएको आरोपमा सुर्खेतमा एक महिला पक्राउ परेकी छन् । सुर्खेतको बराहताल गाउँपालिका–७ करङ्गेगाउँकी ४६ वर्षीय भवीसरा दङ्गाली गाउँकै एक बृद्धलाई दिसा खुवाएको आरोपमा पक्राउ परेकी हुन् ।
वैशाख २४ गते करङ्गेगाउँकै ६० वर्षीय तेजबहादुर खत्रीलाई जवरजस्ती लुकाइछिपाइ दिसा मुखमा कोच्याएको आरोपमा प्रहरीले बुधबार पक्राउ गरेको हो । प्रहरीका अनुसार उनले अभद्र तथा अमानवीय व्यवहार गरेको आरोप छ ।
सोही गाउँपालिका–७ बर्राचौरस्थित कल्याण काँधदेखि नयाँ वन जोड्ने कच्ची सडक खन्दै गरेको अवस्थामा दिसा मुखमा कोचेकी थिइन् ।दङ्गालीलाई मुलुकी अपराधसंहिता ऐन, २०७४ को परिच्छेद १० को दफा १६८ बमोजिम अपमानजनक तथा अमानवीय व्यवहारसम्बन्धी कसुरमा जिल्ला अदालत सुर्खेतबाट म्याद थप गरी अनुसन्धान कार्य अगाडि बढाइएको प्रहरी प्रवक्ता क्षेत्रीले जानकारी दिए ।
उनले के कारणले दिसा खुवाएको हो भन्ने बारे प्रहरीले अनुसन्धान गरिरहेको छ ।
