काठमाडौं । त्रिशूलीमा बस खस्दा ८ जनाको मृत्य हुनका साथे ८ जना घाइते भएका छन् । काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस आज बिहान सवा ११ बजे धादिङको गजुरी–२ चालिसे भन्ने स्थानबाट त्रिशूली नदीमा खस्दा ८ जनाको मृत्यु हुनका साथै ८ जना यात्रु घाइते भएका हुन्।
दुर्घटनामा २ महिला र ६ पुरुष गरी ८ जनाको मृत्यु भएको जिल्ला प्रहरी कार्यालय धादिङले जनाएको छ ।
प्रहरीका अनुसार बस सडकबाट करिब ४० मिटर तल नदीमा खसेको थियो ।
प्रहरीकाअनुसार दुर्घटनास्थलबाट १६ जनाको उद्धार गरिएकामध्ये ८ जनाको मृत्यु र ८ जना यात्रु घाइते भएका थिए । घाइतेको स्थानीय अस्पतालमा उपचार भइरहेको छ ।
अहिले घटनास्थलमा नेपाली सेना, सशस्त्र प्रहरी र नेपाल प्रहरीको टोलीले उद्धार कार्य धादिङका प्रमुख जिल्ला अधिकारी बद्रीनाथ गैह्रे जानकारी दिए ।
