झापा । झापामा चट्याङ् लागेर एक जनाको मृत्यु भएको छ भने दुई जना घाइते भएका छन्। शनिबार बिहान पानीसँगै परेको चट्याङ लागेर मेचीनगर नगरपालिका १५ ज्यामिरगढीका अन्दाजी ४० वर्षीय प्रकाश राउतको मृत्यु भएको भने उनकी श्रीमती ३५ वर्षीया सुनिता राउत र उनकी भाउजु ३६ वर्षीया मञ्जु राउत घाइते भएको झापा प्रहरीले जनाएको छ ।
घाईते दुबै जनाको भद्रपुरस्थित ओमसाई पाथीभरा हस्पिटलमा उपचार भइरहेको जिल्ला प्रहरी कार्यालय झापाका प्रवक्ता महेन्द्रकुमार श्रेष्ठले बताए । बिहान ८ बजे खेतमा काम गरिरहेका बेला उनिमाथी चट्याङ परेको थियो ।
