सप्तरी । दुईदिन पछि जागिरबाट सेवानिवृत्त हुन लागेका एक जना सप्तरीबाट घुससहित रंगेहात पक्राउ परेका छन् । सप्तरीको राजविराजस्थित भूमि सुधार तथा मालपोत कार्यालयका नायब सुब्बा बासुदेव मण्डल घुससहित पक्राउ परेका हुन ।
सप्तरीको राजगढ गाउँपालिका ४ बेल्ही चपेना घर भएका मण्डल दुई दिनपछि आफ्नो ५८ वर्षे सेवा अवधी पुरागरि सेवानिवृत्त हुन लागेका थिए । तर, उनलाई अख्तियार दुरुपयोग अनुन्धान आयोग इटहरीको टोलीले सोमबार सेवाग्राहीसँग घुस लिदै गर्दा रंंगेहात पक्राउ गरेको छ ।
सोमबार नौं बजेतिर एक सेवाग्राहीलाई कार्यालयमै बोलाएर मोहीको जग्गा सम्बन्धी मुद्दा मिलाइदिन्छु भन्दै रु. ४० हजार घुस लिदालिदै मण्डललाई अख्तियारको टोलीले पक्राउ गरेको हो । पक्राउ परेका मण्डलमाथि थप अनुसन्धान र आवश्यक कारवाहीका लागि सोमबान नै क्षेत्रीय कार्यालय इटहरी लगिएको जिल्ला प्रहरी कार्यालय सप्तरीले जनाएको छ ।
